ក្រុងព្រះសីហនុ៖ មានករណីគ្រោះថ្នាក់ចរាចរណ៍មួយកើតឡើង បង្កដោយរថយន្ត ០១គ្រឿង ម៉ាក TOYOTA PRIUS ពណ៌ប្រផេះ ពាក់ផ្លាកលេខ ភ្នំពេញ 2AG-6994 បើកបរដោយឈ្មោះ សៅ ធារ៉ា ភេទប្រុស អាយុ៣០ឆ្នាំ ជនជាតិ ខ្មែរ មុខរបររត់តាក់សី បច្ចុប្បន្ន ស្នាក់នៅ ភូមិ ១ សង្កាត់លេខ៣ ក្រុងព្រះសី ហនុ ខេត្តព្រះសីហនុ ដែលមានទិសដៅពីលិចឆ្ពោះទៅកើត លុះមកដល់ចំណុចកើតហេតុ ខាងលើ ស្ថានភាពផ្លូវកោងបានរ៉េចង្កូតទៅខាងឆ្វេងដៃបុករថយន្ត០១គ្រឿង ម៉ាក HYUNDAI PORTER ពណ៌ស ពាក់ផ្លាកលេខ ភ្នំពេញ 2BN-1408 អ្នកបើកបរឈ្មោះ មួង រតនី ភេទប្រុស អាយុ៣៤ឆ្នាំ និងមានអ្នករួមដំណើរ០២នាក់ : ១.ឈ្មោះ មួង រតនះ ភេទប្រុស អាយុ៣៦ឆ្នាំ ២.ឈ្មោះ លីន ភេទប្រុស អាយុ១៩ឆ្នាំ អ្នកទាំងបី ជនជាតិខ្មែរ បច្ចុប្បន្នស្នាក់នៅ ភូមិ ១ សង្កាត់ លេខ ១ ក្រុង ព្រះសីហនុ ខេត្តព្រះសីហនុ ដែលបើកមកពីទិសដៅផ្ទុយគ្នា បានបុកចំពីមុខពេញទំហឹងតែម្តង។ ហេតុការណ៍នេះបានកើតឡើងនៅថ្ងៃទី ២០.១២.២០២៤ វេលាម៉ោង១៧:១០នាទី លើវិថី២ធ្នូ ត្រង់ចំណុផ្លូវអន្ទង់អាំង ស្ថិតក្នុងភូមិ១ សង្កាត់ លេខ៣ ក្រុង ព្រះសីហនុ ខេត្តព្រះសីហនុ ។

ករណី គ្រោះថ្នាក់ ចរាចរណ៍ ខាងលើ នេះ បណ្តាលឱ្យរងរបួសធ្ងន់មនុស្ស០១នាក់ ជាអ្នកបើកបររថយន្ត HYUNDAI PORTER ឈ្មោះ មួង រតនី ភ្លាមៗបានដឹកទៅសង្គ្រោះនៅមន្ទីរពេទ្យបង្អែកខេត្តព្រះសីហនុ និងក្រោយមកបានស្លាប់នៅមន្ទីរពេទ្យ។

អ្នកបើកបររថយន្តបង្កហេតុបាននាំមកសាកសួរ និងធ្វើតេស្តរកជាតិស្រវឹងជាលទ្ធផលមានចំនួន 1.22mg/L(មីលីក្រាមក្នុងមួយលីត្រខ្យល់ )។

រីឯវត្ថុតាង រថយន្ត ០២គ្រឿង សមត្ថកិច្ច បានយកមករក្សាទុកបណ្តោះអាសន្ននៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តព្រះសីហនុ ដើម្បីដោះស្រាយតាមនីតិវិធី ៕